مش فيلسوف

ولا كان الكلام لعبتي

عشان كتير بشوف

هانت عليا بلوتي

اه مليان بالخوف

ومش عارف فين سكتي

لكن نفسي روحي في يوم تطوف

وأهرب مني ومن دنيتي

لو إن كل الأماني ممكنة
وأيامنا حلوة وهنا
لو نهرب من همومنا ومن نفسنا
أو حالنا يتغير أو يتحقق حلمنا
لو كل الأماني ممكنة
كنت لقيتك هن معايا
و عاش حبنا
لو كتير وكتير كان
لو يتغير الزمان
ونبقي في مكان غير المكان
يمكن كان الحب دام
لو أن الوقت عدي
وخلصت الساعات
والجرح انكوي والقلب مات
كان عذابي انتهي
والعمر فات

#لو_أن

أنا المنفي من غيرعنوان

تايه وسط البشر
خايف وسط الزحام

أنا اللي ياما حلمت
لكني حلمي مكنش علي قدي

واللي ياما وعدت
بس عمري ما وفيت بوعدي

أنا اللي شايف كل الأمال في بكرا

لكن برده مش عايز بكرا يجي

أنا اللي مش بحب أمشي في أي طريق

لأني مش شايف غير خنقة وضيق

أنا ياما وياما كتير أنا

عايشين لكن ميتين بالحيا

أنا اللي من الخوف عطشه ارتوي

و اللي قلبه متشعلق في الهوا
لا ارتحت ولا عذابي انتهي

أنا حتي مش عارف مين أنا

أنا كل حاجه وعكسها